شهد العســـل

موضوع: شهد العســـل السبت نوفمبر 17, 2007 10:50 pm

شهد العســـل

أنا كلّي إلك يا ام الخصر ممشوق
وشعرات كل ما مال الهوى يميلو

ردي زيق القميص العالصدر مشقوق
وخبي الحلا تا صير بالعتم غنيــلو

خدودك تفاحتين كبار بلا عنوق
وعيونك لـَ هالليل صارو قناديلو

قبالي الحلا أنا والقلب محروق
ومـا في حدا حدي ت إشكيلو

قلي العنق شم.. بس أوعى تدوق
وتمي مشتاق للحلو .. والحلو مقابيلو

متل حكاية العاشق بلا معشوق
يسهر لحالو يغني بعتم ليلو

بيبقى العسل أطيب لو كان مسروق
وقت البيكون النحل بالحقل معجوق
بدوق الشهد مرة وبصير ادعيــلو