بنت 16 حبيت وكانت مدللي
وعرضت كرمالها زنود مفتولي
شقرا وشعرها ببكلي مجدلي
وبزهرة ياسمين جبينها مكللي
*************
بمطعم قعدنا ع كرسي مخملي
وصرت اتغزل بعيون مدبلي
وشافت ست جاي و مستعجلي
شهقت هيدي امي وقعنا بمشكلي
قلتلها عهالدراج اهربي وانزلي
في باب وراكي الباب بالمفتاح قفلي
**************
وصلت الام وكانت متل قنبلي
من القهرمعصبة و تغلي غلي
وخبطة بكفها بقوة عا الطاولة
وقصدها تخوف سيد المرجلي
وتانهي الموضوع وها المهزلي
قلتلها انا وقاعد يا حلوة اتفضلي
**************
بشوفك صبية صغيرة مكحلي
رح احرق شمع كرمالك وصلي
ودق الخشب للخلقة المكملي
ما في داعي تعصبي و تزعلي
اجتني عزيمة عم مطعم و مدوبلي
وعزمت بنتك ليش هاالبهدلي
قالت بهيك حكي حلوا منمق قلتلي
مرة تانية وفر تعب عبنتي واعزمني الي