جورج سليم شوحكر
عدد الرسائل : 35 العمر : 46 الموقع : dubai تاريخ التسجيل : 23/01/2009
| موضوع: نهر ومطاعم الإثنين فبراير 09, 2009 10:17 pm | |
| بليل غربة طويلة ساعاتوا..............قلب تعبان بحنين واهاتوا اتذكرت النهر بسمكاتوا...............ودفل مشرشر على حفافوا وحور شامخ بسحباتوا.................غيوم السما تلامس اطرافوا
ومطعم حد الجسر ومغارتوا...............وكرم عنب اجا موسم قطافوا والعندليب يغرد بنغماتوا...............للمحبة رمز الكرم ومضيافوا وعين مريزة وعفيف واخواتوا...............وقصة خي حمل خيوا عكتافوا والطاحونة ونبع للشرب مياتوا..............بلون الثلج ابيض نفنافوا
الرمانة واجهة تامدخل وحلاتوا...............براءة العالم بصوراوصافوا وايام التنور وعجقة رحلاتوا...............جمع الغرب وقافتنا شافوا وعرق فستق اخضر بحباتوا.................متل عضة طفل صغير عشفافوا وتين عاموا مخبى بورقاتوا..............ناطر يجي دواقوا و كشافوا وصبر استوى محمي بشوكاتوا..............بينطال بشبيط طويل ومعكافوا
وغبيط الفحصة وصخراتوا...............وبالجبوعة الغميقة سبحوا وما خافوا اتزكرت النهر وكل بحصاتوا...............اتزكرت كل بستان وشجر صفصافوا هيدا نهرنا كان وهن كان قعداتوا...............وبكل مطرح قعد طفل اتزكر ماضي اسلافوا
george salim shohakar | |
|
yzdawy Admin
عدد الرسائل : 57 العمر : 44 الموقع : موقع اليازدية الهوايات : الكمبيوتر تاريخ التسجيل : 24/08/2007
| موضوع: نهر ومطاعم الأربعاء فبراير 11, 2009 5:36 am | |
| شو يا ابو جريج عم تخلينا نرجع زكريات الماضي يلي الكل نسيها عنجد شكرا الك | |
|