فينوس وانا ودياس

دياس وفينوس كانوا اتنين..............ملوك الحب و اهاتوا

كتبواشوية اخبار ودواوين..............بوصف الحب وحالاتوا

ماتوا بس بقلوبنا خالدين................وبقي الحب جريح بكلماتوا

وظهر لي ملائكة طاهرين............... وكان موسى بقوة عصاتوا

طلبوا مني هني ومستحيين...............استلم الحب واحمي صفاتوا

جاوبتهم وعيوني دبلانين.............واحد انا بالحب اتلوعة حياتوا

ضحكوا وقالوا متبسمين...............هيدا هو الحب وهيدي طلباتوا

ما هو كلمة مالفة بحرفين..............هو قلب يخفق شوق بدماتوا

الحب نسمة على الياسمين..............تنسم بصيف حلوة نسماتوا

الحب عيون و سهرانين...............العمر تحرس نبع دمعاتوا

الحب ما بيعرف ابن مين...............للغني الحب وللي قلو مصراتوا

الحب متل مسافرعندوا حنين...............لزكرى حلوة وبطولاتوا

الحب متل رف حساسين................زينوا بستان ورود وشجراتوا

الحب مشاعرالقلب نابعين...................بصدق وبايمان صلاتوا

دياس وفينوس اتنين..................والحلى بيقدملي احتراماتوا

انا التالت يا سامعين.......................والحب من عندي قراراتوا

ياويل اللي بكلمة بهين..................وبيزعج بحرف جمال حماتوا

واللي عندوا شباب مستعدين..............يطلب من اب ايد بناتوا

واللي عندوا بضاعة شغل الصين.............يتركها عا رفوف دكانتوا

george salim shohakar