بنت صغيرة بفي الياسمين...............واصابع طفل وراقها خربشوا
وقفت واطلعت عا اليمين................وشفت طفلين عم يتوشوشوا
طلبت مني بخجل ياعم عين................يتاما نحنا الاحزان فينا شرشوا
سالتها يا بنت انت بنت مين............وخدود خيك كيف اتخرمشوا؟؟؟؟؟
قالت اسمعني اذاعندك بيقين...........تخبرك المشاكل كيف بلشوا!!!!ا
انا بنت من ولاد فلسطين...............اللي بوجهم بواريد العالم اتخرطشوا
هجموا عبيتنا ناس مسلحين................وبقوة سلاح بارضنا شرشوا
وقوسوا على اهلنا المجرمين..............وبقنابلهم دم شيوخنا الدني طرطشوا
وقتلوا ولاد بعمر سنتين.................وسكروا على دمهم وحششوا
وكسرو خزاين بدرفتين..................وسرقوا بيوتناوكنايسنا نبشوا
وتايكفوا ع اسوارتين مدهبين ................. ايدين نسوان عا الميلتين قطشوا
ومتلي رح تشوف ملايين...............بصفحة العالم صرنا على هامشوا
تدروش مع طفل ابن شهرين................اسرح بشوارع ناس ادروشوا
اشحد كرمال طفل مسكين...................لقمة الخبز كرمال عيش وعيشوا
طفولتنا سرقوها الاسرائيليين................وهبطوا مدارسهم وبيوتهم طحبشوا
يا رب اطفالنا طاهرين و بريئين......................رجع الفرح لقلوبهم ونعنشوا
اولاد بحكمتك راضيين وخاشعين..................وايديهم ع السلام يفتشوا
محاولة فاشلة منgeorge salim shohakar