سهرانْ وَحْدي

موضوع: سهرانْ وَحْدي السبت فبراير 14, 2009 11:26 pm

سهرانْ وَحْدي

سهرانْ وَحْدي أنا والغرفـةْ
وْ كاسْ ما ضَلّ منّو وَلا شَفـِّةْ

وَحْدي أنا وأتْخايَلكْ حَـدّيْ
وفجأةْ توصَلي منْ فَتْحةْ الْدَرْفـِةْ

مَسّيْ علَيكي والمَسَا تْرِدّيْ
و قِلكْ فوتي وسَهْرْتـِكْ كَفـّيْ

لَوْ نعسْتِي بِفْرُشْ إِلِكْ زِنْديْ
و بْلَمْساتْ إِيدي عِيونِكْ بْغَـفّيْ

يِحّمَرْ خَدِّكْ وتقولي ما بَدّيْ
والشّالْ عَ العِنِقْ تْرجَعيْ تـْلِفّيْ

قلكْ الغيومْ بالسَمَا سَوْدِيْ
خايفْ الْعَاصفِةْ وْرَاقِكْ تـْشَّفيْ

لَوْ مْشِيتيْ عْلَيكي السَمَا بْتـْنَدّيْ
والشِتيْ عَ الدَربْ عِطْرِكْ يْصَفّيْ

عِنْدِيْ نْبيدْ منْ عمرْ جِدّيْ
مْلَقـّحوْ بالعتمْ غِفْيانْ عَ رَفـّيْ

نَاطْرِكْ حتى تفْتَحيْ السَدّةْ
منْ عِبْ قَنينْتو بشْفَافِكْ تْشِفّيْ

تْفوتيْ وتطبَعيْ جَمرْ عَ خَدّيْ
نْضيعْ و تِلزَقْ الشِفّةْ مَعْ الشِفّةْ

وفجأةْ أُوعَى وتخْلَصْ المِدّةْ
و يضيعْ الحِلمْ مِنّيْ بالعَتمْ
حَتى الحِلمْ مَمْنوعْ أنا كَفـّيْ

كنعان الياس كنعان