شمس وشوب وصيفية..................وفراشات زهور برية
والسنديانة الكبيرة تفية.................وكاسة متة وابريق مية
ع البيدر مقابيل البلدية.................وبنص نزلة السوق القوية
كافتيرية غسان وزاوية.................بزنزرختي وراقها عبية
ومدرسة صغيرة ابتدائية................فتحت بقلبها ورود جورية
وبيدرحمودة حكاية محكية..............عن ضابط بايام العبودية
وحرشة سنديان و محمية...............خضرة بالصيفية والشتوية
بشكل احلى سور للياذدية...............وشلة شباب بزنود قوية
هالبيدراللي جمعنا بحنية...............من كل حارة بيوم القوزلية
طبل ودبكةوهيصة غنية...............ونار تضوي بالسما العالية
مشتاق لليالي السرمدية..................وسهرة كاس وجمر للصبحية
وبشوك تتجروح ايديي...................الله عها الايام شو حلوة وهنية
يمكن بوصفي مقصر شوية.................مقصر بحقك يا احلى يازدية
انايمكن برتب حروف الابجدية................والالهام من عندي بشاعرية
بوحي عيون وذكرى صبية...................استشعر وانسج الحان غنية
بحبك يااحلى وردة بمزهرية...................بحب لون عيونك البنية
محاولة فاشلة من George salim shohakar
موضوع: البيدر 
الإثنين فبراير 16, 2009 11:36 pm
