عبير الحب
عدد الرسائل : 52
تاريخ التسجيل : 31/08/2007
 |  موضوع: تعال وتعلم كيف تحط صورة بموضوعك  السبت سبتمبر 01, 2007 7:32 am | |
|  نظرنا لوجود الاعضاء الجددفي المنتدى تعليمهم كيف يضعون صور في مواضيعهم ,,, جبيت اني اوفّر التعب واننا نشرح لكل واحد على انفراد وانزل موضوع والكل يستفيدون منه ان شاء الله
درسنا اليوم بدنانصير نعرف كيف ننزل صور بموضوعنا
========== - نبدأ - ==========
اول شي يا حبايبي لازم نعرف الصورة اللي نريد نحطها بالموضوع هي على جهازنا ولا على النت (يعني موجودة بموقع على الانترنت)
اولا : اذا كانت الصورة على النت :
في هذه الحالة الطريقة سهلة وحلوة وما يبيلها شي
كل ما عليك هو ان تحرك مؤشر الماوس وتحطه فوق الصورة ,,, وتضغط ضغطة بزر الماوس الايمن فتخرج لك قائمة اذهب الى آخر اختيار وهو (خصائص او properties ) واضغط عليه
سوف تفتح لك قائمة كالتالي : كل اللي تسويه انك تظلل العنوان اللي محدده فوق بدائرة زرقة وتضغط بالزر اليمين وتختار (نسخ او copy)
بعدين روح للمنتدى وحط اضافة موضوع او اضافة رد حسب المكان اللي تبي تحط فيه صورتك هو موضوع ولا رد
وبتشوف فوق بشريط الادوات اختيار شكله كذه اضغط عليه وبيفتح لك ويندو صغيرة فوق وفيها خانة فاضية للعنوان حط مؤشر الماوس فيها وتأكد من انها خالية واضغط بزر الماوس اليمين واختار (لصق او paste) ,,, واضغط ok
وبكذه تكون نزلت الصورة بموضوعك
هذا طبعا اذا كانت الصورة من النت ,,, اما اذا كانت الصورة من جهازك فهذي يبيلها شغل شوي بس برضو باعلمكم ولا تزعلون
ثانيا : اذا كانت الصورة على جهازك :
اذا كان عندك موقع شخصي افتح موقعك ونزل الصورة عليه وخذ الرابط حقها وسوي الكلام اللي قلناه فوق
اما اذا ما كان عندك موقع شخصي ممكن انك تسويلك واحد او اذا ما تعرف روح الموقع هذا وروح عند العضوية المجانية على اليمين واختار (التسجيل) وسجّل عضويتك عندهم
بعدها بيصير لك معرضك الشخصي عندهم المهم ادخل معرضك الشخصي
ويتلاقي تحت مستطيل فاضي وجنبه كلمة (Browse) اضغط عليها ودور على الصورة اللي تبيها واختارها واضغط فتح
بعدها المستطيل الفاضي بتلاحظ انه صار فيه كلام المهم ما علينا منه ,,, بتلاقي تحت شوي كلمة (تحميل) اضغطها ,,, بيقعد يحمل انتظر شوي حتى ينتهي التحميل ,,, لما ينتهي بيرجع للمعرض اضغط على الصورة الجديدة اللي نزلتها وخذ الرابط حقها
بعدين روح للمنتدى وحط اضافة موضوع او اضافة رد حسب المكان اللي تبي تحط فيه صورتك هو موضوع ولا رد
وبتشوف فوق بشريط الادوات اختيار شكله شذي اضغط عليه وبيفتح لك ويندو صغيرة فوق وفيها خانة فاضية للعنوان حط مؤشر الماوس فيها وتأكد من انها خالية واضغط بزر الماوس اليمين واختار (لصق او paste) ,,, واضغط ok
وشذي تكون نزلت الصورة بموضوعك
وبس هذي هي القصة كلها
اتمنى اني اكون وفّقت بالشرح
ولا تنسونا من دعواتكم | |
|
