يا عصفورة

موضوع: يا عصفورة الأربعاء أغسطس 29, 2007 3:01 am

يا عصفورة

يا عصفورة طيري وعلّي
وروحي غطّي بضيعتنا
عالبيت الفوق التلّه
عالخيمة العسطيحتنا
مرقيلي عصافيتا
صوب البنت الحبيتا
غطّي عسطيحة بيتا
دخلك يا عصفورتنا

عالبيت الفيه تربيت
فوتي وغلّي بحجارو
بالغربة اشتقت وحنيت
حتى اسمع أخبارو
ولما تشوفي أهل البيت
بوسي كبارو وزغارو
ياريت منرجع ياريت
وما نطوّل بغربتنا

زوري التلة والوادي
وطلّي عالسهل شويي
كل شبر بأرض بلادي
رح يبقى ندر عليي
راجع عأرض جدادي
راجع لأمي وبيي
الشوق بقلبي بينادي
اشتقتلك يا ضيعتنا

كنعان الياس كنعان

عدد الرسائل : 6 تاريخ التسجيل : 01/09/2007

شو هيدا يا معلم
شهيتنا نرجع عالضيعة
مشكوووووووووور

موضوع: رد: يا عصفورة الأحد سبتمبر 02, 2007 3:15 am

يا عصفورة طيري و رفي
فوق بيوت حارتنا
و عا رفاقي دوري و لفي
و سلميلي عا جارتنا
و طلي صوب الحاكورة
ال بكل قرنة فيها صورة
تخبرك عن حكايتنا
العشناها بضيعتنا

حلو كتير كنعان ... باننتظار المزيد منك

موضوع: رد: يا عصفورة الإثنين سبتمبر 03, 2007 2:12 am

dado كتب:: شو هيدا يا معلم
شهيتنا نرجع عالضيعة
مشكوووووووووور

دادو العزيز
شكرا الك وأهلا وسهلا فيك بمنتدى الضيعة

موضوع: رد: يا عصفورة الإثنين سبتمبر 03, 2007 2:18 am

ruba كتب:: يا عصفورة طيري و رفي
فوق بيوت حارتنا
و عا رفاقي دوري و لفي
و سلميلي عا جارتنا
و طلي صوب الحاكورة
ال بكل قرنة فيها صورة
تخبرك عن حكايتنا
العشناها بضيعتنا

حلو كتير كنعان ... باننتظار المزيد منك

دوري ولفّي عالرفقات
اشتقنا لَهاك السهرات
بصافيتا أحلى بنيّات
المحبة وحدا جمعتنا

صوب الحاكورة طلّي
وغلّي بياسمينا غلّي
كل يوم بصوم وصلّي
الله يحمي ضيعتنا

شكرا ربا على تشجيعك المستمر وإبداعك الجميل