دعوة عــــامّة

دعوة عــــامّة

بَعْتِتْلي بطاقة مبارح من عــشية ------ مكــــــتوب فيها دعوة لشخصين
عقبال عندكْ يا نــور عينـــــــيي ------ تفضــل ع عرسي بـعد يومــــين
تلخبطتْ بعينيي حروف الأبجدية ------ ومــــا قدرت اقــشع إلا كلمــتين
اسما واسمو عَ بطاقة مخملــــية ------ كـــلفة الوحــدي مـنها دولاريـن
شو نفع المــال من دون حنــّــية ------ وشو نفع العريس بلا رب ولا دين
باعت الحـب والعــيشة الهــــنيّة ------ وبلحـــظة نسيت غــرام الســنين
وليش لشــخصين كاتــبة هــــيي ------ مـن بعدها مين عنــدي أنــا مين
رديّتلها الـبطاقة ورفضتْ الأذيـة ------ بعد ما القـــلب انقـــسم نصــــين
نص حـــاقد عالّلي عمــلتو فيــي ------ ونـــص بعــدو حامـلّها الـــحنين
ما كنـت عـــــارف حبــيتْ جــنيّة ------ عم تلعب بقلبي الصافي الحزين
قدمتْ اعتذاري عن طيــب نيـــّـة ------ وكبست عَجرح القلب هالمسكين
وكتبتلها عالبطاقة كلـــمات غنية ------ واختمتها انشلا بالرفاه وبالبنين

كنعان الياس كنعان

شو نفع بطاقة مكتوب فيها اسمين

من غير الحب البيجمع بين قلبين

وحده القادر يعيشهن العمر عمرين

و بغيابه ... هيك بطاقة حقها فرنكين

مشكور كنعان .. ابداع جميل .. دام قلمك .

ruba كتب:: شو نفع بطاقة مكتوب فيها اسمين

من غير الحب البيجمع بين قلبين

وحده القادر يعيشهن العمر عمرين

و بغيابه ... هيك بطاقة حقها فرنكين

مشكور كنعان .. ابداع جميل .. دام قلمك .

الشكر إلك ربا و لتشجيعك المستمر واهتمامك الدائم

بعتذر عن التأخير