الزواج ام الدراسة ايهما في صالح الفتاة ؟؟؟

اكيد الدراسة اهم من اي شي تاني يعني ليش الواحد ليحرق المراحل بعمرو يمشي خطوة خطوة

شكرا الك عالموضوع

لما عم تاخد الصبية شهادة البكالوريا عم تكون بعمر 18 سنة و هيدا عمر كتير مبكر للزواج فاذا درست ما بين اربع - خمس سنين صار عمرها بين 23 - 24 سنة .. و برايي هيدا عمر انسب اولا بتكون درست .. الدراسة .. العلم و المعرفة بتوسع الافاق اكتر سواء للشاب او البنت ز تانيا بهالعمر البنت بتكون نضجت اكتر و هيدا شي بيساعدها على تحمل مسؤوليات الزواج اضافة انو الام المتعلمة بتقدر تساعد اولادها اكتر بدراستهن .. و في ناحية كمان مهمة .. الدراسة ممكن تفتحلها ابواب اكتر اذا حبت تشتغل و تساعد زوجها ماديا في حال كان ظرفهن بيتطلب هالشي .. يعني انا مع الدراسة اولا ثم الزواج . اما عن موضوع الزواج و الدراسة سوا فبالاضافة للي سبق اذكرته بظن صعب التوفيق بيناتهن لان كل وحدة منهن بدها التزاماتها و الا رح يكون شي عا حساب شي .
شكرا عالموضوع عبير الحب.

اول شي بحب اشكر الاخ او الاخ عبير الحب عالموضوع المهم كتير

حابة كمان اشكر اللي ردوا على الموضوع لانو كل الحكي اللي انقال هوي كلام منظقي

انا من الاشخاص اللي تعرضت لموقف اختيار الزواج او الدراسة وكانت كفة الميزان لصالح دراستي

البنت يا اخوان جدا مطالبه بهالايام تكون اكتر من بنت نموذجية.

ما عم اقصد بهالكلام اي عدائية للزواج ابدا . ايا بنت بتحلم بالتوب الابيض والعيلة الصغيرة والبيت الدافي وانا اكيد من هالاشخاص

بس العلم هوي متمم لكل هالاشيا وبالاخص الشغل والخبرة والاختلاط بالناس لانو هيدا كلو مكمل لعقل البنت وادراكها بكتير امور بالحياة وخاصة حياة الزواج

بشكر مرة تانية عبير الحب عالموضوع الكتير مهم

ولاحظت شغلة حابة احكي فيا

انو يا شباب وين الهمة فوتوا الموقع وكتبوا اكتر

شكرا ويعطيكم العافية